قضاء و قانون ساكسونيا

فى دولة ساكسونيا العظمى القوانين مختلفة عن اى دولة تانية ، دولة ساكسونيا غير كل الدول ، حلم لاى حاكم ظالم عاوز يعمل اللى هو عاوزه فى الشعب ، والشعب غير اى شعب ، اخد على الخنوع والسلبية ومش بيطالب بحقه مهما اتعمل فيه.

دولة ساكسونيا العظمى الاعراف والقواعد والاخلاق والقيم فيها مقلوبة ومش مضبوطة ، الغلط بيبقى صح والصح بيبقى غلط ، والكل راضى ومبسوط وسعيد.

فى دولة ساكسونيا العظمى ممكن تقتل وتسرق وتنهب وتسب وتلعن ، وتهرب بجريمتك ، وممكن تكون مظلوم وبرئ بس يتحكم عليك ، وده اصبح العادى فى دولة ساكسونيا.

فى دولة ساكسونيا طبقتين ، طبقة سادة بتاخد اللى هى عاوزاه ومش بتشبع ، وبتحكم فى الطبقة التانية بمنتهى الافترا ، الطبقةالتانية طبقة عبيد ، جوة الطبقة دى بطبقات ، طبقةناس متعملين ومعاها فلوس يادوبك مكفياها ، وطبقة تانية يادوبك قادرةتعيش ، وطبقات تالتة بتعيش عيشة الحيوانات فى الغابة.

فى دولة ساكسونيا العظمى من السهل تكون مسئول عن مقتل الاف الاشخاص لانك استرخصت دمهم ، وتطلع براءة ، تطلع بكل بجاحة تتحدى اى حد يكلمك ،ماهو اصل القضاء العادل فى دولة ساكسونيا ليه حكاية هو كمان، ده غير انك ممكن تكون مسئول عن مصيرشباب فى ثانوية عامة اهلهم صرفوا عليهم دم قلبهم وضهرهم انحنى من المذاكرة وتنتقم منهم بامتحانات تعجيزية لمجرد انهم مش ولاد باشا او بيه يقدر يشترى الامتحانات.

فى دولة ساكسونيا العليا القضاء غير اى قضاء ، قضاء بيعتمد على ورق يضربه اى محامى مش عنده زمة ويطلع المجرمين والفاسدين براءة لمجرد ان مفيش دليل ضده ، وسهل كمان تقدم حد بداله كبش فدا يلبس القضية ، وترجع تسال انت ياقاضى ليه مش بتحكم بروح القانون ، والرحمة فوق العدل ، وانت متاكد ان فلان مذنب ليه تديه براءة ، يطلعلك ناس تدافع وتقولك ازاى تتكلم عن القضاء فى دولة ساكسونيا ؟ القضاء لسة بخير، ولا نسمح لاحد بالتطاول على هيبة القضاء التى هى مهنة مقدسة ، وكأن القضاة دول ملايكة مش بيغلطوا.

فى دولة ساكسونيا من العادى انك تسب بالدين ، ومن السهل تسمع ناس مش مسلمين بيسبوا للرسول ويشتموه ويطلعوه ارهابى ،عادى ، لكن اللى مش عادى انك تسب الحاكم او عيلته او حاشيته ، كده تبقى انت آثم.
فى دولة ساكسونيا العظمى لو طلعت مظاهرات او عملت اعتصامات عشان عاوز تصلح حال البلد يبقى انت كافر وآثم، ولو انت مرحتش انتخبت حاكم ظالم يبقى انت كافر وآثم ، متستغربوش ، ماهو الدين بيستخدم فى خدمة اله بشرى بيعبده رجال الدين فى الدولةالغريبة دى، رجال الدين اللى هما حملة كتاب الله ، بيعبدوا اله غير الله !

الجيش بقى فى دولة ساكسونيا اللى ياما رفع راس البلد زمان وذل اقوى جيوش العالم بقى من غير لا شغلة ولا مشغلة ، شغلته الوحيدة السيطرةعلى البلد لو حصلت حاجة - وده مستحيل على فكرة- تهدد امن العائلة الحاكمة، اما لو حصل احتلال خارجى ، فاول حاجة هايعملها الجيش اول لما يمسك سلاح هايقتل فى بعضه.

الاعلام بقى فى دولة ساكسونيا العظمى غير اى اعلام ، اعلام حكومى موجه مسخر للحكومة ، مهمته الوحيدة الهاء الشعب عن البلاوى اللى فى البلد، وبيستخدم الرياضة بالذات لالهاء الشعب ، مرة فزنا بكاس الامم فى الكرة الشراب ، ومرةالحارس الهارب ، ومرة خناقات الاندية الكبيرة على اللاعيبة ، ومرة واحد مجنون بيطلع يشتم ويسب ويلعن فى كل حتة ، مش قلتلكم ده العادى فى دولة ساكسونيا؟

فى دولة ساكسونيا الخير موجود فى كل مكان ، نهر بيجرى بقاله كتير ، بحرين فوق وتحت مليانين خير ، ارض شاسعة وثروات معدنية وبشرية بالهبل ، ده غير دخل السياحة والقناة البحرية ، ومع ذلك الشعب مش لاقى ياكل؟ ازاى مش عارف؟

دولة ساكسونيا فيها كل شئ مباح ، دولة مختلفة فى كل حاجة ،دولة مستحيل تكون موجودة ، لان لو فيه دولة كده المفروض الشعب العادى يموت ، اصله هايعيش ليه فى دولة زى دى؟ ولا يكونوا عايشين وهما ميتين؟ الله اعلم...

ملحوظة:
اى تشابه بين ملامح دولة ساكسونيا العظمى وملامح دولة اخرى هو تشابه مقصود ولا حول ولا قوة الا بالله

.. Résuméabuiyad Tweet

عفواً رئيس مصر ... المخلوع

عفواً رئيس مصر ... المخلوع ... الذي لم أعرف غيره منذ ولدت
سمـــــــــه بأي لقب شئت ... يسألني البعض ألا تتعاطف معه في مرضه وشيخوخته

فــكــــرت قليلاً ... وتذكرت الكثير والكثير .. فلم اجد شفعه للتعاطف

لاننى :

لم أنس 1400 مصرى شهداء العبارة السلام 98
لم أنس شهداء العبارة سالم اكسبريس
لم أنس 400 مصرى شهداء قطار الصعيد
لم أنس شهداء حوادث قطارات العياط
لم أنس كارثة الدويقة
لم أنس تفجير هيلتون طابا
لم أنس طائرة البطوطى والغدر بقيادات الجيش عليها
لم أنس حوادث الطرق اليومية والاف الضحايا بلا تعويض
لم أنس فساد اغلب وزارات وقطاعات الحكومة من شرطة واعلام وثقافة واسكان ونقل
لم أنس الرشاوي والفساد الاداري لاجهزة الدولة نتيجة لضعف المرتبات
لم أنس عدم محاسبة اي فاسد تفوح رائحته والاكتفاء بتغيير منصبه
لم أنس خصخصة شركات القطاع العام وسرقة اموالها
لم أنس الضريبة العقارية واموال التأمينات التي ضاعت في بورصات امريكا
لم أنس تدمير التعليم وتعين طبيب اطفال بدرجة وزير تعليم
لم أنس واردات قناة السويس التى تذهب اليك مباشرة
لم أنس تردي الخدمة الصحية
لم أنس العلاج على نفقة الدولة لغير مستحقية
لم أنس سرقة اراضي الدولة ونهبها بخمسة جنيهات للمتر
لم أنس تقسيم اراضي سيناء لعدد من رجال الاعمال وتهميش الشعب الذي هو السبب في رجوعها الي مصر
لم أنس اهمال اهل الصعيد والنوبة
لم أنس تهميش سيناء ومطروح والوادي الجديد
لم أنس ضياع الطبقة الوسطي التي هي عماد اي بلد محترم
لم أنس مشروع توشكي وضياع المليارات فى الهواء
لم أنس اهمال العلاقات مع دول حوض النيل مما ادي الي قيامهم بتهديد مصر بمنع مياه النيل
لم أنس تقسيم السودان وتدخل اسرائيل الواضح في القضية وغياب دور المخابرات المصرية والتي يبدو انها كانت نائمة
لم أنس حصار غزة
لم أنس دعم الامريكان لضرب العراق
لم أنس بيع الغازالمصرى لإسرائيل اجمالا" و تفصيلا"
لم أنس هجرة الشباب وغرقهم في البحر المتوسط وامتهان كرامة المصريين في الدول العربية
لم أنس شهداء التعذيب
لم أنس المعتقلات السياسية
لم أنس انتشار المخدرات و الدعارة
لم أنس حجب القنوات الدينية وطرد قناة ازهرى وطرد عمرو خالد من مصر والدعم والترويج للقنوات التافهة
لم أنس قانون المرور الذي يهدف الي سرقة وليس حماية المواطنين
لم أنس مافيا سرقة الاعضاء البشرية
لم أنس أكياس الدم الملوثة في المستشفيات وبراءة هاني سرور المسئول عنها رسمياً
لم أنس تزور الانتخابات ودعم التزوير من الشرطة
لم أنس تشويه الدستور وتعديله وتفصيله من أجل عدم المنافسة لجيمي
لم أنس ازمات والمياة و طوابير الخبز وانابيب البوتاجاز
لم أنس وصول اللحمة ب 100 جنيه فى عهدك المبارك
لم أنس كم الخضروات و الاطعمة الى اصبحت مسرطنة واستيراد البذور من اسرائيل
لم أنس خراب زراعة القطن المصري الشهير أفضل قطن في العالم
لم أنس انقطاع الكهرباء والماء المتكرر في بلد توصف بانها هبة النيل
لم أنس المنتجات الصيني المضروبة التي اغرقت الاسواق دون رقيب عن جودتها
لم أنس غلو مواد البناء و احتكار الحديد لأحمد عز صديق جمال
لم أنس العنوسة وظاهرة التحرش في الشارع المصري التي لم تكن موجودة في العهود السابقة
لم أنس الفقر و الجوع و الذل و المهانة و الواسطة و البطالة
لم أنس تزوير الانتخابات في مجلس الشعب
لم أنس تغيير الدستور ومادة 76 البغيضة
لم أنس دور جمال ابنك في السياسة المصرية
لم أنس رعايتك للفاسدين أحمد عز وسرور وعزمي وصفوت وغيرهم المئات .
لم أنس تشردنا في بلاد العرب والعجم بحثاً عن لقمة العيش وبلدنا ملئية بالخيرات .
لم أنس كم الإهانات التي يتعرض لها أبناء مصر في الخارج ولم تطالب بحقهم مرة واحدة .

حتى في لحظات الثورة

لم أنس ما فعله بنا الغاز المسيل للدموع
لم أنس تجاهلك ل 30 ألف شاب يوم 25-1-2011
لم أنس يوم قطعت عنا الاتصالات والانترنت كأننا قطيع من الغنم
لم أنس مشاهد المصابين يوم جمعة الغضب
لم أنس خطابك المستفز بعد جمعة الغضب
لم أنس مشهد ضرب الشرطة للمصلين الساجدين امام المولى عز وجل بمدافع المياه
لم أنس يوم انسحبت الشرطة من مواقعها و إخلاء السجون
لم أنس دهس سيارات الشرطة و السيارات الدبلوماسية للمتظاهرين
لم أنس وصفك لنا بالقلة المندسة بعد خروج الملايين مطالبينك بالرحيل
لم أنس مئات المصابين يوم هاجمنا البلطجية
لم أنس شهداء الثورة
لم أنس من قتل بالرصاص الحي ومن تشوه بالخرطوش .
لم أنس فقأت أعينهم أو فقدوا أطرافهم

لم أنس .... لم أنس .... الكثير وما كتبته القليل

قال تعالى ( إن فرعون وهامان وجنودهما كانوا خاطئين ) صدق الله العظيم

.. Résuméabuiyad Tweet

أروع مشاهد الثوره المصريه

.. Résuméabuiyad Tweet