شاهدت و شاهد الكثيرين حلقه القاهره اليوم بالأمس السبت بتايخ 18/6/2011 و من فقرات الحلقه فقره عن الهارب حسين سالم
و قدم الحلقه كالعاده عمرو أديب و محمد شردى
ولاحظت عده ملاحظات
** الفرق الشاسع فى أداره الحوار بين حلقه المحترم حازم صلاح ابو أسماعيل و حلقه الامس
حيث فى حلقه الشيخ حازم كم المقاطعات و التهكمات و محاوله أحراج الرجل ورغبتهم الملحه فى أظهار الرجل السلفى على أنه متشدد
وغير ذلك من الصفات التى يحاولون ألصاقها بالسلفيين و مع ذلك نجح الرجل فى أجتزاب الكثير من الجمهور و أنا منهم بلباقته و حياده التام و ردوده التى تبين مدى شفافيته و رجاحه عقله و وعيه التام بكيفيه أداره الأمور
** بالأمس كان هناك الكثير والكثير من أعطاء المساحه للضيف للتكلم بحريه و التعبير عن رأيه
** الضيوف واحد متشائم بالتعبير الدارج لدرجه أنه قال أن نسبه أستعاده حسين سالم من إسبانيا لا تزيد عن 10% المهم الراجل فاهم و بيتكلم بحقائق و بالقانون
الثانى متفائل و مش فاهم حاجه و عمال يتكلم فى البلد حلوه بعد الثوره و كل حاجه هتبقى تمام و الحياه حلوه و هنجيب حسين سالم من قفاه و هنجيب الفلوس و الحياه ذبادى فى الخلاط
** الفاهم (عضو الأتحاد الدولى للمحامين) راجل عنده علم و مثقف و ذو فكر منظم عارف بيقول أيه
**المتفائل (مسئول فى حزب سياسى ) <مش عارف أسمه أيه > سياسى فاشل، فكر مهلهل، أسلوب سطحى عمال يشور بأديه و يعد على صوابعه و تائن الدور أوى و عامل فيها فاهم كل حاجه...... راجل قبل ما ييجى الحلقه قرأ شويه عناوين فى الجرايد و دردش شويه مع واحد صحبه على القهوه و جه عشان يأخد قرشين من البرنامج
هل يجب ليكون الشخص سياسى أن يمتلك حنجره جهوريه و يتكلم بالعاميه السوقيه و يشور و يهلل و ينتقد كل حد فى الدنيا عشان يبقى قريب من الشعب
و يبقى السياسى الجماهيرى ؟؟؟؟
لا يا عم مش كلهم كده
يا جدعان مهوه السياسيين عندنا من الأمثله دى و أغلب أعضاء مجلس الشعب السابقين و القادمين للإسف من نفس العينه
يلا المهم فى الأخر ده رأى يحتمل الخطأ أو الصواب
بس خــــــــــــــــــــــــــــــــلاص
ليست هناك تعليقات:
إرسال تعليق